Fréttir

20.7.2010 16:17:00 Tjaldstæðið opið!   Mikið hefur verið að gera á fjölskyldutjaldsvæðinu á Leirubakka í blíðviðrinu í sumar, og hafa gestir bæði verið Íslendingar og fólk frá öllum heimshornum. Leirubakki er frábærlega staðsettur til að gera að miðpunkti ferðalags um Suðurland; stutt til allra helstu sögustaða og náttúruperla í landshlutanum. – Og svo er heldur ekki amalegt að halda kyrru fyrir á Leirubakka í nokkra daga........... Meira/more/mehr >>     6.5.2010 13:31:31 Vorið er komið Mikið fuglalíf er á Leirubakka og nágrenni   Mikið fuglalíf er að öllu jöfnu á Leirubakka og næsta nágrenni. Á vorin er sérstaklega mikið um að vera þegar farfuglarnir eru að koma til landsins og gera nokkurra daga stans í friðsældinni á Leirubakka. Hér til hægri má sjá Helsingja sem er frekar fágætur hér á landi. Smellið á meira til að sjá fleiri myndir frá Leirubakka. Meira/more/mehr >>     19.4.2010 09:48:53 Nýja eldgosið sést frá Leirubakka Gosið á Fimmvörðuhálsi hætti og nýtt tók við í toppi Eyjafjallajökuls   Eldgosið í Eyjafjallajökli sem hófst þann 14. apríl sl., sést vel frá Leirubakka eins og þessi mynd ber með sér, þar sem gosmökkinn leggur um 6 km upp í loftið í heiðríkjunni. Gosstöðvarnar eru í um 40 km fjarlægð frá Leirubakka, og hefur vindáttin borið öskuna í suður og austur, þannig að ekkert öskufall hefur orðið hér um slóðir. Meira/more/mehr >>     25.3.2010 10:46:13 Gosið heldur áfram   Eldgosið á Fimmvörðuhálsi heldur áfram að mestu óbreytt í stórum dráttum. Þó eru að koma gufusprengingar öðru hvoru sem stafa aðallega af hraunrennslinu sem steypist í fossi niður í Hrunagil, sem er skammt frá gígaröðinni sjálfri. Meira/more/mehr >>     22.3.2010 16:56:09 Gosið á Fimmvörðuhálsi   Hér á Leirubakka er ekki hægt að segja að gosóróinn á suðurströndinni hafi haft mikil áhrif, amk. ekki enn þá. Þó sjást bólstrarnir frá gosinu þegar best lætur, þó ekki séu gígarnir sjálfir í sjónmáli. Frá Eyjafjallajökli að Leirubakka eru.......... Meira/more/mehr >>     11.2.2010 12:03:11 Fyrirtækja-, óvissu- og skemmtiferðir! Gerum tilboð fyrir hvers kyns hópa, svo sem fyrirtækjaferðir, skemmtiferðir, óvissuferðir, árshátíðir.   Á Hótel Leirubakka og í Heklusetrinu á Leirubakka er frábær aðstaða til að taka á móti stórum og smáum hópum, hvort heldur sem er í skemmtiferðir eða vinnuferðir. Góð fundaaðstaða í nokkrum sölum, nýtt píanó til að nota við kóraæfingar og veitingahús í fremstu röð. Gerum hópum tilboð........ Meira/more/mehr >>     15.1.2010 15:53:16 Óvænt heimsókn!   Þessi myndarlega brandugla kom í óvænta heimsókn að Leirubakka á jóladag. Hún hafði komið sér inn í fjárhús á bænum, en fann ekki leiðina út hjálparlaust. Hún var feit og pattaraleg, enda vafalaust mikið um æti núna í öllum músaganginum sem fréttir hafa verið af á Suðurlandi í blíðviðrinu í haust og vetur. Branduglur verpa á hverju sumri í landi Leirubakka, aðallega á hrauninu sunnan við bæinn, þar sem þær sjást oft á flugi, einkum í ljósaskiptunum síðla sumars og á haustin. Á myndinni eru þau bændur á Leirubakka, Anders Hansen og Valgerður Brynjólfsdóttir, með ugluna áður en henni var gefið frelsi. Meira/more/mehr >>     5.10.2009 15:49:56 Máninn glatt á himni brosir   Oft er mikil veðurblíða sem fylgir þegar fer að hausta og kólna í veðri. Loftið er tærara en á sumrin og birtuskilyrðin geta orðið einkar dulúðug og töfrandi, ekki síst þegar sól lækkar á lofti og tunglið fer að láta sjá sig. Meira/more/mehr >>     30.9.2009 11:23:44 Hamarinn í sjónvarpið   Fyrsti þáttur af sjónvarpsþáttaröðinni Hamarinn verður sýndur á RÚV sunnudaginn 4, október nk. Hluti af þessum þáttum var tekinn upp á Leirubakka haustið 2008 og var mikið um að vera meðan á upptökum stóð. Á myndinni er leikstjórinn Reynir Lyngdal mjög einbeittur að fylgjast með upptökum á hótelganginum á Leirubakka. Meira/more/mehr >>     >> Allar fréttir